АСТАНА. Наурыздың 10-ы. BNews.kz. – Бүгін BNews.kz ақпарат агенттігі студиясында ҚР Индустрия және сауда министрі Әсет Исекешовтің қатысуымен «Қазақстанның жаңа индустриальды саясаты» тақырыбында Online-конференция өтті.

ҚР Индустрия және сауда министрлігінің басшысы еліміздің тұрақты индустриальды-инновациялық  дамуының мемлекеттік бағдарламасының (ПФИИР), бірінші бесжылдық 2014 жылға дейінгі индустриальдандыру жөніндегі жоспарын қосқанда, төрт негізгі бағдарламалары -  «Бизнестің жол картасы - 2020», «Экспорт-2020», «Инвестор-2020», «Өнімділік-2020», жүзеге асырылып жатқан жобаларды қаржылық және инвестициялық қолдау мәселелері, бизнеске тару шарттары, ПФИИР-дің нақты нәтижелеріне аймақтық құрылымдардың қатысуы мен жауапкершілігі туралы барлық аспектілерін әңгімеледі.

Тұтастай алғанда, республиканың жаңа индустриальды саясаты ұлттық экономиканың шикізаттық бағытынан бас тартып, жоғары үстемелі құнды өнімдер шығаруға, өнім өңдеу секторын дамытуға, инновациалық технологияларды енгізу арқылы еңбектің тиімділігі мен өнімділігін арттыруға бағытталған.

Индустриальдандыру бағдарламасының мақсатты индикаторлары: 2008 жылдың деңгейінен ЖІӨ-ді 50 % өсіру, өңдеуші секторда еңбек өнімділігін 50% арттыру мен экономиканың жекелеген секторларында 100 %-ға көтеру, шикізаттық  емес экспорттың үлесін 40 %-ға дейін жеткізу, ЖІӨ-нің энергосыйымдылығын 10 % төмендету, инновациялық кәсіпорындардың үлесін 10 %-ға дейін ұлғайту болып табылады.