ПАРИЖ. Наурыздың 8-і. BNews.kz.  – Еуроаймақ егер елдің бюджетінің зәрулігі асқынып,  қажет болған жағдайда Грецияға қолдау көрсетуге дайын. Мұндай мәлімдемені  Греция премьер-министрі Георгиос Папандреумен болған кездесуден кейінгі баспасөз мәслихатында Франция Президенті Николя Саркози жасады, деп хабарлайды РБК Associated Press агенттігіне сілтеме жасап.

«Егер қаржылық қиындықтарға тап болған болса, біз Грецияға көмектесеміз. Еуропа қауымдастығының басты ойыншылары Греция өзімен өзі оқшауланып қалмасын деп оған барынша іс шаралар ұйымдастырып, көмек көрсетуге бел шешіп отыр, деді Франция Президенті.

Н. Саркозидің айтуынша, ол Грецияның Халықаралық  валюта қорына (ХВҚ) көмек сұрап жүгінгенін қаламайды. «Мемлекет – еуроаймақ мүшесі, саяси алыпсатарлардың ортасына тап болғанша, еуроаймақтың қалған мүшелерінің қолдауына жүгінген дұрыс», – деп мәлімдеді ол.