ӨСКЕМЕН. Наурыздың 9-ы. BNews.kz. – Кеше 8 наурыз – Халықаралық әйелдер күніне арналған республикалық акция аясында Катонқарағай ауданының ішкі саясат бөлімімен «Әйел - қоғамымыздың негізгі тірегі» тақырыбында дөңгелек үстел отырысы өткізілді, деп хабарлайды облыс әкімінің баспасөз қызметі.

Дөңгелек үстелге аудан әкімі жанындағы аудандық әйелдер істері және отбасылық - демографиялық саясат жөніндегі комиссияның, кәмелетке толмағандардың құқығын қорғау жөніндегі комиссияның мүшелері, «Нұр Отан» ХДП филиалы төрағасының орынбасарының міндетін атқарушы Қ.Т. Қазиев, аудандық «Алтай» жастар ұйымының Президенті А. Амангельдинов,  Әділет басқармасының, № 1 медициналық бірлестігінің, аудандық ішкі істер бөлімінің қызметкерлері және  ауылдық округтердегі әйелдер кеңестерінің төрағалары қатысты.

Кездесу барысында қоғамдық-саяси өмірдегі әйелдердің рөлі, олардың әлеуметтік және қоғамдық мәртебесін көтеру, құқықтық және гендерлік білімді жетілдіру, әйелдердің денсаулығын нығайту, әйел теңсіздіктері және басқа да  мәселелер қаралды.