АСТАНА. Шілденің 27-сі. BNews.kz.  – Алғашқы жарты жылдықта Қазақстанның ІЖӨ 8% құрады. Бұл жөнінде бүгін ҚР Үкіметінде өткен ағымдағы жылдың бірінші жарты жылдығындағы республиканың әлеуметтік-экономикалық дамуының қорытындысына арналған кеңейтілген жиын барысында ҚР Экономикалық даму министрі Жанар Айтжанова хабарлады.

«Алдын ала жасалған бағалау бойынша 2010 жылдың бірінші жарты жылдығындағы ІЖӨ көрсеткіші 8% құраған. Мұндай көрсеткіш қысқа мерзімдік экономикалық индикатордың (ҚМИ) өзгеруі негізінде жасалған. Бұл ел экономикасының негізгі алты базасының нақты өсімінен құралады. Өткен есептік кезеңде ҚМЭ 8,8%-ға өсті», - деп атап өтті Ж.Айтжанова.

Оның айтуы бойынша, «өсім базаның төмендігі негізінде орын алды, естеріңізде болса өткен жылдың бірінші жарты жылдығында ЖІӨ 2,4% құраған болса, қысқа мерзімдік экономикалық индикатор 4,1 пайызға төмендеген».

«Үкіметтің экономиканы қалпына келтіру жөнінегі шаралары сөз жоқ, игі ықпалын тигізді, сондай-ақ дағдарысқа қарсы бағдарламалар мен дағарыстан кейінгі даму жөнідегі шаралар да экономиканың түзелуіне өз септігін тигізді», - деп атап өтті ҚР Экономикалық даму және сауда министрі.

Суретте: Жанар Айтжанова. Сурет kapitalist-news.ru сайтынан алынды