АҚТӨБЕ. Наурыздың 11-і. BNews.kz. – Ақтөбе облыстық аңшылар мен балықшылар қоғамының бұрынғы төрағасы аңшылар шаруашылығының резервтегі қорының аумағындағы браконьерлік әрекеттері үшін мүлкін тәркілеумен үш жылға бас бостандығынан айрылды, деп хабарлайды Kazakhstan Today облыстық соттың баспасөз қызметіне сілтеме жасап.

Бұдан бұрын да хабарлағанымыздай, өткен жылдың желтоқсан айында Ақтөбе облысының Байғанин ауданында облыстық аңшылар мен балықшылар қоғамының бұрынғы төрағасы басқарған аңшылар тобы құрықталған. Ұсталған сәтте олар 10 тағы қабан атып үлгерген, сол арқылы мемлекетке келтірілген шығын көлемі 2,59 млн теңгені құрады.

10 наурыз, сәрсенбіде Байғанин аудандық соты үкім шығарды, соған сәйкес Анатолий Найденкоға мүлкін тәркілеумен және жалпы тәртіптегі абақтыда жазасын өтеумен үш жылға бас бостандығынан айыру жазасы тағайындалды.

Үкім әлі күшіне енген жоқ және оған 15 тәулік ішінде қарсы шағымдануға болады, деп хабарлайды облыстық соттың баспасөз қызметі.