ГВАТЕМАЛА. Маусымның 2-сі. BNews.kz. – Орталық Америкадағы «Агата» тропикалық даулынан мерт болғандар саны 179 адамға жетті. Мыңдаған тұрғындар баспанасыз қалып, ондаған адамдар із-түзсіз жоғалғандар санатында, деп хабарлайды РБК. Адамдар қатты дауыл мен күшті жауыннан кейінгі су тасқыны мен сел жүруі салдарынан қайтыс болды.

Гватемалада адам  шығын көп болып отыр. Соңғы мәліметтер бойынша, онда 152 адам опат болып, 100 адам жоғалып кеткен болатын. 125 мың адам қауіпсіз аймақа көшірілді. Сондай-ақ, Сальвадор мен Гондураста табиғи апат  зардабын шегіп отыр.

Дауыл қиратқан аудандарда жолды су шайып кеткен, телефон байланысы үзілген, электр қуаты жиі ажыратылып қалуда. Өзендер арнасынан асып, елді-мекендерді басып қалды.

«Агата» дауылы мамырдың 29-ында Тынық мұхитының Гватемала жағалауынан 275 шақырым жердегі Сан-Хосе қаласында пайда болды. Дауылдың жылдамдығы сағатына  65 шақырым шамасында.